«Եթե կառավարության որոշմամբ կարելի է գիտությանը պատկանող շենքերից մեկը պարզապես վերցնել, այսինքն՝ ցանկացած ինստիտուտից, ցանկացած պահի, եթե գտնեն, որ գիտությանը պետք չէ, կվերցնեն»,-այսօր իրենց բողոքը ներկայացրին կառավարության շենքի առաջ հավաքված երիտասարդ գիտաշխատողները: Նրանք Օրգանական եւ դեղագործական քիմիայի գիտատեխնիկական կենտրոն ինստիտուտի աշխատակիցներն էին, որոնք դեմ էին, որպեսզի իրենց ինստիտուտի մասնաշենքը կառավարության որոշմամբ, օտարվի մասնավոր կազմակերպության,որը ներդրում է անելու:
Ինստիտուտի կրտսեր գիտաշխատող Ռոբերտ Հակոբյանի խոսքով, «Հա, ներդրում պետք է մեր երկրին, բայց ոչ գիտության հաշվին: Մեր կռիվն այն է, որ գիտության հաշվին՝ ոչ մի բան: Պատճառաբանում են, որ այն կառուցվել է խորհրդային տարիներին,այնտեղ ավելի շատ մարդ է աշխատել»:
Ըստ նրա, այդպես միանշանակ չի կարելի ասել,որ տարածքները պետք է կրճատել, քանի որ այնտեղ կան նեղ ուղղվածությամբ լաբորատորիաներ «Երկու-երեք լաբորատորիա մի տեղում չես կարող տեղակայել: Շենքեր կա, որոնք պետք է անպայման նեղ ուղղվածությամբ զբաղվեն, վերջիվերջո անհամատեղելիության խնդիր կա»:
Կարդացեք նաև
Լուսինե ԲՈՒԴԱՂՅԱՆ
