Դատարանը hեռացել է խորհրդակցական սենյակ: Ռոբերտ Քոչարյանի փաստաբանական խմբի անդամ Հայկ Ալումյանը դատական նիստից հետո լրագրողներին տեղեկացրել է, որ ՀՀ 2-րդ նախագահը այսօրվա դատական նիստում մանրամասն ելույթ է ունեցել, որոնց բովանդակությունն իրենք տարբեր առիթներով հատված առ հատված ներկայացրել են: Մասնավորապես, թե ինչ հանգամանքներ են եղել 2008 թվականի նախագահական ընտրություններից հետո եւ ինչպես են իրադարձությունները զարգացել, ինչն է պատճառ հանդիսացել արտակարգ դրություն մտցնելու համար:
«Այսօր դատարանում չհնչեց մի բան, որը մինչեւ այդ չի հնչել դատավարությունների ժամանակ: Բայց այդ ամեն ինչը պետք էր ասել նաեւ տվյալ դեպքում էս գործը քննող դատարանին, որովհետեւ էս դատարանը էդ փաստարկները երբեք չէր լսել եւ անհրաժեշտ էր ամեն ինչը ներկայացնել: Դատարանը բոլոր փաստարկները լսել է, որոշ ճշտումներ է խնդրել կողմերից», – ասել է Ռ. Քոչարյանի փաստաբանը:
Աշոտ ՀԱԿՈԲՅԱՆ
