«Քեվօրք և Անիթա Փակումեանների հիշատակի «Հիսուսի Մանուկներ» առողջության կենտրոն»-ի տնօրեն Գագիկ Հարությունյանը պնդում է, որ ինքը ոստիկանության Բաղրամյանի բաժին չի ահազանգել իրենց կենտրոն հաշվառման դիմած անչափահաս երեք հղիների մասին:
«Երեք հղիներն էլ ամուսնացած են, մեկը եզդի է, երկուսը՝ հայ: Այնպես չէ, որ դպրոցական են կամ թաքուն հղիացել են, նրանք գրանցվել են, վերցրել ենք հաշվառման, հղիությունը պետք է վարենք ամբողջ ծավալով մինչեւ ծննդաբերություն: Այնպես որ լրատվամիջոցներում առաջացած աղմուկը տեղին չէ, այդ աղմուկը հոգեբանորեն կվնասի այդ հղիներին, նրանց ընտանիքներին, սա գյուղ է, քաղաք չէ: Ահազանգ չի եղել, օրենքով սահմանված կարգով գրել ենք միլիցիա՝ որպես ի գիտություն ձեզ, հայտնում ենք, որ ունենք երեք անչափահաս հղի, ահազանգ կլիներ, եթե լինեին դպրոցական, չամուսնացած, դա արդեն կլիներ ահազանգ»,- Aravot.am-ին ասաց Գագիկ Հարությունյանը:
Արփինե ՍԻՄՈՆՅԱՆ
