Այսօր ԱԱԾ տնօրեն Արթուր Վանեցյանը լրագրողների հետ զրույցում անդրադարձավ իր դեմ դատական գործերին: Մասնավորապես նա խոսեց Սեդրակ Քոչարյանի հայցի մասին: Դատարանը անմեղության կանխավարկածի խախտում էր արձանագրել:
Վանեցյանն ասաց. «Ըստ դատարանի որոշման, խախտվել է անմեղության կանխավարկածը: Այդ հարցը կուսումնասիրեն իրավաբանները ժամկետի մեջ, եթե չի լինի որոշում, որ պետք է բողոքարկել Վերաքննիչ դատարան, ուրեմն, իհարկե, օրենքով նախատեսված բոլոր քայլերը կկատարվեն»:
Նա ասաց, որ այս պահին չի կարող ասել՝ դատարանի որոշման հետ համաձա՞յն է, թե՞ ոչ, որովհետեւ դա պետք է ուսումնասիրեն իրավաբանները. «Եթե իրավաբանները կտեսնեն, որ դատարանի որոշումը չենք կարող բողոքարկել, ուրեմն, իհարկե, կընդունենք դատարանի որոշումը եւ կենթարկվենք դատարանի որոշմանը»:
Հռիփսիմե ՋԵԲԵՋՅԱՆ
