Կանադայի Ժառանգության և բազմամշակութայնության նախարար Պաբլո Ռոդրիգեսը հայտարարություն է կատարել՝ կապված ապրիլը ցեղասպանությունների հիշատակման, դատապարտման և կանխարգելման ամիս հայտարարելու նախաձեռնության հետ:
«Այսօր Կանադայում մենք հիշատակում ենք ցեղասպանության զոհերին: Պատմության ընթացքում աշխարհն ապրել է բազմաթիվ ցեղասպանություններ- այդ թվում `Հոլոքոստը, Ռուանդայի տուցիների դեմ ցեղասպանությունը, Ուկրաինայի գոլոդոմորը, Հայոց ցեղասպանությանը, Սրեբրենիցայի ջարդերը, Եզդիների ցեղասպանությունը և Ռոհինյա ժողովրդի ցեղասպանությունը:
2015թ. Համայնքների պալատը հանդես է եկել պատմական միջնորդությամբ՝ ապրիլ ամիսը ճանաչելու Ցեղասպանության հիշատակման, դատապարտման ու կանխարգելման ամիս: Կանադան ընդունել է այդ ոճրագործությունները վերապրածներին և զոհվածների ժառանգներին: Մեր պարտքն է հիշել զոհերի և այդ վայրագությունների զոհերի հիշատակը: Ցեղասպանության հիշատակման, դատապարտման և կանխարգելման ժամանակահատվածում մենք վերահաստատում ենք մեր կոլեկտիվ պատասխանատվությունը՝ կանգնելու խտրականության և նախապաշարմունքների բոլոր ձևերի դեմ, անկախ նրանից, թե որտեղ են դրանք տեղի ունենում:
Որպես Կանադայի ժառանգության և բազմամշակութայնության նախարար՝ ես ցանկանում եմ վերահաստատել մեր հավատարմությունը՝ կանխելու, որ մեր համայնքներում արմատավորվի ատելությունը: Միշտ հիշենք, որ Կանադան ավելի ուժեղ է իր բազմազանության և բաց լինելու պատճառով»,-ասվում է նախարարի ուղերձում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
