Երեւանի ընդհանուր իրավասության դատարանում այսօր շարունակվում էր Անդրիաս Ղուկասյանի գործի քննությունը: Անդրիաս Ղուկասյանը, հիշեցնենք, մեղադրվում է 2016 թվականի հուլիսի 29-ին զանգվածային անկարգություններ կազմակերպելու եւ ոստիկանության ՊՊԾ գունդը գրաված «Սասնա ծռեր» զինված խմբին օժանդակելու մեջ:
Այսօր դատարանում որպես վկա հարցաքննվեց ՊՎԾ պետ Դավիթ Սանասարյանը։
Նա հայտարարեց, որ իրենք ոստիկանապետի տեղակալ Լեւոն Երանոսյանից ժամանակ են խնդրել, որպեսզի հավաքված մարդկանց հանդարտեցնեն. «Լեւոն Երանոսյանի կողմից սպառնալիքներ հնչեցին»:
Անդրիաս Ղուկասյանի պաշտպան Կարեն Մեժլումյանը հետաքրքրվեց`Դավիթ Սանասարյանը եւ Անդրիաս Ղուկասյանը քարեր նետելու կոչեր արե՞լ են: Դավիթ Սանասարյանը պատասխանեց. «Դա հեքիաթի շարքից է։ Բոլոր վիդեոները եւ ֆոտոները կան, որ փորձել եմ հանդարտեցնել։ Նման բան չի եղել, որ կոչ լինի՝ քարեր պատրաստեն: Դա կոնկրետ այն ժամանակվա իշխանության գործելաոճն էր»:
Կարդացեք նաև
Դավիթ Սանասարյանն ասաց նաեւ, որ ինքը բանակցել է «Կարմիր խաչի» հետ, որպեսզի ՊՊԾ գնդում գտնվողներին հաց տանեն։
Նելլի ԳՐԻԳՈՐՅԱՆ
