Անդրիաս Ղուկասյանի գործով այսօր դատարանում իբրեւ վկա հարցաքննվեց Պետական վերահսկողական ծառայության պետ Դավիթ Սանասարյանը: Նա ասաց, որ ՊՊԾ գնդի գրավման օրը Անդրիաս Ղուկասյանը ելույթ է ունեցել, հավաքված ժողովրդին հորդորել է`չգնալ Խորենացի փողոց։
Հիշեցնենք, Անդրիաս Ղուկասյանը մեղադրվում է 2016 թվականի հուլիսի 29-ին, զանգվածային անկարգություններ կազմակերպելու եւ ոստիկանության ՊՊԾ գունդը գրաված «Սասնա ծռեր» զինված խմբին օժանդակելու մեջ:
Դավիթ Սանասարյանը դրվագներ վերհիշեց 2016-ի այդ օրերին Սարի թաղում տեղի ունեցած դեպքերից. ինքն օգնել է մի աղջկա, նրա շորերն այրվում էին: «Տեսել եմ, թե ինչպես են լրագրողներին հարվածում, որից հետո հորս հասցրել եմ հիվանդանոց։ Իսկ հիվանդանոցից ինձ բերման են ենթարկել»,-ասաց նա։
Դավիթ Սանասարյանը ՊՊԾ-ի գրավման մասին իմացել է մամուլից. «Ինձ այդ օրը բերման են ենթարկել Էջմիածնի բաժին։ Հաջորդ օրը խոշտանգվել եմ ոստիկանության աշխատակիցների կողմից, տեւական բռնության եմ ենթարկվել։ Մի քանի օր ես լավ վիճակում չեմ եղել, քանի որ ուղեղի ցնցում եմ տարել։ Ես ելույթներ եմ ունեցել, որպեսզի ուժ չկիրառվի քաղաքացիների նկատմամբ»։
Կարդացեք նաև
Նելլի ԳՐԻԳՈՐՅԱՆ
