ՀՀ վերաքննիչ քրեական դատարանն այսօր դռնփակ քննում է ՀՀ երկրորդ նախագահ Ռոբերտ Քոչարյանի կալանքը եւս երկու ամսով երկարաձգելու որոշման դեմ նրա պաշտպանների վերաքննիչ բողոքը: Նախատեսվում է, որ Ռոբերտ Քոչարյանը եւս ելույթ է ունենալու:
Մինչեւ նիստի մեկնարկը նրա շահերի պաշտպան, փաստաբան Հայկ Ալումյանը լրագրողների հետ զրույցում անդրադարձավ Հատուկ քննչական ծառայության պետ Սասուն Խաչատրյանի հայտարարությանն, թե Ռոբերտ Քոչարյանը պետք է մնա կալանքի ներքո, այլապես կխոչընդոտի ճշմարտության բացահայտմանը:
«Քննիչն էլ ասում է, թե կարող է թաքնվել քննությունից…նրանք անգամ «իրար մեջ» չեն որոշել, թե ինչ ասել»,-նախ նկատեց Հայկ Ալումյանը, ապա հավելեց,-«Իրականությունն այն է, որ Ռոբերտ Քոչարյանը, մնալով ազատության մեջ, ոչ միայն չի խոչընդոտի քննությանը, այլեւ չի թաքնվի: Նման հիմքեր չկան: Այս ամենն ասվում է՝ հանրության մոտ տպավորություններ ստեղծելու համար: Իրականում նրանցից ոչ ոք «իր մեջ» չի գտնում, թե Ռոբերտ Քոչարյանը կարող է խուսափել քննությունից»:
Հիշեցնենք, որ երկրորդ նախագահը Մարտի 1-ի քրեական գործի շրջանակում մեղադրվում է ՀՀ սահմանադրական կարգի տապալման համար:
Կարդացեք նաև
Այլ մանրամասները՝ տեսանյութում
Լուիզա ՍՈՒՔԻԱՍՅԱՆ
