«Նորագավիթ» մաքսակետ այցելած վարչապետ Նիկոլ Փաշինյանից այսօր լրագրողները հետաքրքրվեցին՝ ինչպե՞ս է նշվելու քաղաքացու օրը եւ արդյո՞ք «մերժվածների» տոնն էլ պետք է լինի այդ օրը:
Ի պատասխան Փաշինյանն ասաց՝ թող իրենք որոշեն, իրենք քաղաքացի՞ են, թե քաղաքացի չեն. «Եթե քաղաքացի են, իրենց տոնն է, եթե քաղաքացի չեն ո՞նց կարող է իրենց տոնը լինել, դա քաղաքացու տոնն է»:
Իսկ թե ինչպես պետք է նշվի այդ օրը, վարչապետն ասաց, որ դա պետք է քաղաքացին որոշի. «Կարող է մեկը որոշում է, որ մանղալը հանում է եւ Մաշտոցի պողոտայում դնում ու խորոված անում»:
Վարչապետն ինչպե՞ս է տոնելու հարցին, Փաշինյանը պատասխանեց. «Չգիտեմ, եթե մանղալով խորոված անող լինի, հնարավոր է՝ ես էլ միանամ»:
Լուսինե ԲՈՒԴԱՂՅԱՆ
