ՀՀ ազգային ժողովն այսօր արտահերթ նիստում երկրորդ ընթերցմամբ եւ ամբողջությամբ ընդունեց «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագիծը, որը ենթադրում է, որ մայիսի մեկից գազալցակայաններում սեղմված գազը վարորդներին կվաճառվի ոչ թե խ/մ-ով, այլ կգ-ով։ Ինչպես ավելի վաղ հայտարարել էր Ֆինանսների փոխնախարար Արման Պողոսյանը, սա վարորդների իրավունքները պաշտպանելու համար է, քանի որ խ/մ-ով գազը վաճառելու դեպքում լցակայաններում թերակշռում են անում։
ԲՀԿ խմբակցության պատգամավոր Սերգեյ Բագրատյանը փոխնախարարին հարցրեց. «Դուք քանիցս ասել եք, որ լցակայաններում գերշահույթ են ունենում։ Շահույթի որ տոկոսն է համարվում գերշահույթ։ Կարծում եմ, որ այդ տերմինն անտեղի չի կարելի օգտագործել։ Իմ պատկերացմամբ` միջին շահույթից բարձր շահույթը կոչվում է գերշահույթ»:
Արման Պողոսյանը պատասխանեց, որ կա նորմալ եւ նորմալից բարձր շահույթ, եւ, հավանաբար, հենց վերջինը համարվում է գերշահույթ. «Բայց տնտեսվարողների պարագայում ցուցանիշներն անհատական են։ Միայն կարող եմ ասել, որ այս փոփոխությունը գնաճային ճնշումների չի հանգեցնի»:
Կարդացեք նաև
Լուիզա ՍՈՒՔԻԱՍՅԱՆ
