ՀՀԿ փոխնախագահ Արմեն Աշոտյանը ֆեյսբուքյան իր էջում գրում է.
«Մասնակցելով Եվրոպական Ժողովրդական կուսակցության Քաղաքական վեհաժողովի նիստին՝ այսօր ներկայացրել եմ Հայաստանում եւ տարածաշրջանում վերջին իրադարձությունների մասին իմ գնահատականները։
Ցավոք, Հայաստանը դարձավ այն օրինակը, թե ինչ է կատարվում երկրի հետ, որտեղ պոպուլիստները գալիս են իշխանության։
Անկախ այն հանգամանքից, որ ներկա կառավարությունը գործնական քայլեր չի ձեռնարկում Հայաստան-ԵՄ համաձայնագրի կիրարկման համար, համաձայնագիրը մնում է մեր երկրի կարեւորագույն ձեռքբերումներից մեկը, եւ նրա շուտափույթ վավերացումը ԵՄ անդամ երկրների կողմից առաջնահերթություն է մեզ համար։
Կարդացեք նաև
Հույս ունեմ, որ Գերմանիայի վերջին քվեարկությունը նոր թափ կհաղորդի այս գործընթացին։
Հանրապետականը շարունակելու է աշխատանքներն այս ուղղությամբ եւս։
Գնահատականներ եմ տվել նաեւ Ղարաբաղյան հակամարտության կարգավորման վերջին զարգացումներին»։
