Aravot.am-ի տեղեկություններով՝ օրեր առաջ հարձակման ենթարկված զորամասի հրամանատար Ջոնի Սամսոնյանը հրազենային վիրավորում է ստացել որովայնի ու ոտքի հատվածում: Կրակողը եղել է զորամասի ավտոպարկի վարորդներից մեկը, որն աշխատանքից ազատվել էր հենց Սամսոնյանի կողմից դեռ նախորդ տարվա սեպտեմբերին:
Կան տեղեկություններ, որ ազատման որոշումը եղել է անարդար, ինչի պատճառով էլ նախկին վարորդը փորձել է պատժել հրամանատարին: Մեր այս տեղեկությունը ՊՆ խոսնակ Արծրուն Հովհաննիսյանը չմեկնաբանեց, ասաց՝ նախաքննության ընթացքում իրավասություն չունի տեղեկատվություն տրամադրել:
Վիրավորված հրամանատարը հոսպիտալացվել էր Աստղիկ Բ/Կ, այնտեղից մեզ փոխանցեցին, որ նա արդեն դուրս է գրվել:
Արփինե ՍԻՄՈՆՅԱՆ
