ԱԺ-ն այսօր առաջին ընթերցմամբ ընդունեց «ՀՀ հարկային օրենսգրքում փոփոխություններ կատարելու մասին» օրենքի նախագիծը, որը, հիշեցնենք, ենթադրում է՝ մայիսի մեկից գազալցակայաններում սեղմված գազը կվաճառվի ոչ թե խ/մ-ով, այլ կգ-ով:
Ֆինանսների փոխնախարար Արման Պողոսյանն ԱԺ ամբիոնից հայտարարեց, որ նախագծի նպատակն է՝ պաշտպանել սպառողների իրավունքները, որովհետեւ գազալցակայաններում գազի թերակշռում է տեղի ունենում:
«Տնտեսվարողների համար այս փոփոխությունը հարկային բեռի ավելացում չի առաջացնի: Նրանք կշարունակեն աշխատել իրենց ունեցած սարքավորումներով»,-վստահեցրեց փոխնախարարն այն բանից հետո, երբ պատգամավորները հետաքրքվեցին, թե արդյոք նախագիծը խնդիրների չի հանգեցնի:
Կարդացեք նաև
«Մեր առաջարկը վերահսկելի եւ տեսանելի չափման միավոր է»,-նշեց Արման Պողոսյանը:
Հավելենք, որ ԱԺ-ն աշխատանքը կշարունակի վաղը, եւ նշյալ նախագիծը քվեարկության կդրվի՝ երկրորդ ընթերցում անցնելու համար:
Լուիզա ՍՈՒՔԻԱՍՅԱՆ
