Երեւանի ընդհանուր իրավասության դատարանի առաջ այսօր ոստիկանների եւ քաղաքացիների միջեւ հրմշտոցի ժամանակ բերման ենթարկվածներն ազատ են արձակվել։ Այս մասին հայտարարեց «Սպայկա» ընկերության զարգացման գծով տնօրեն Կարեն Բաղդասարյանը։
Հիշեցնենք, որ ընկերության տնօրեն Դավիթ Ղազարյանն այսօր կալանավորվեց, աշխատակիցները դատարանի առաջ բողոքի ցույց են անում եւ պահանջում Նիկոլ Փաշինյանին։ Ղազարյանը մեղադրվում է հարկերի վճարումից չարամտորեն խուսափելու համար։
Կարեն Բաղդասարյանը նաեւ տեղեկացրեց, որ աշխատակիցներից Գարիկ Սարգսյանը հրմշտոցի ժամանակ մարմնական վնասվածքներ է ստացել, նրա առողջությանը վտանգ չի սպառնում, գտնվում է բժիշկների հսկողության ներքո։
Ի դեպ, ոստիկաններից մեկն իր գործընկերներից մեկին հրահանգեց քաղաքացիներից մեկին ասել հեռանալ տարածքից, քանի որ նա խմած է, ինչից հետո քաղաքացին հեռացավ ցուցարարների միջից։ Կարեն Բաղդասարյանն էլ իր հերթին հայտարարեց, որ իրենց շարքերում խմածներ չկան։
Կարդացեք նաև
https://www.facebook.com/aravot.am/videos/3130398026985618/?__xts__[0]=68.ARDspfKWiphnY6CsfYrME0jtRtLroKOG3bKB0SlV6SfeWd_c1e6NHiLDaQogmiQX8YxDEZHZixoYrOtaSLSoY6_RoBeX5GyxxKRSUO1flXA3m7LFv4XVjDwOovp-a6D22oU4gTdiziRRn_5q-z3L36EZr08H0f1I-TVXzqkvHj46quyuBek_TpFYw9Pa_7vu8upC_Cgm5aZ-jzmCffi3v3zQAn2E0yR18VXdUOvIme8qo9n4F2JcjZdPSwDfKgIVf1nW39KIesalTWHUlXUKwDgadPgDqlypYK3HQ5WhIAXl-OOqyb4_vVXrE50nVGy3D959KCrCpmxk8gkSWR3sGxV7EvbwNxEmdKFQ3w&__tn__=-R
Լուիզա ՍՈՒՔԻԱՍՅԱՆ
