«Ոչ ոք այնքան խաղաղություն չի ուզում, որքան մենք»,- ՀՀ վարչապետ Նիկոլ Փաշինյանը ԵԿՄ 12-րդ արտահերթ համագումարում մեջբերեց Սպարապետ Վազգեն Սարգսյանի խոսքերը: Նիկոլ Փաշինյանը անդրադարձ կատարեց նաև բանակցային գործընթացին:
Նա հստակեցրեց. «Մենք բանակցային գործընթացի փոփոխման հարց չենք դրել, այլ բանակցային գործընթացի վերականգնման: Այն պետք է շարունակվի նույն տրամաբանությամբ, ինչ հիմնադրվել է 1990-ականներին: Եթե առանց ԼՂՀ ներկայության ենք խոսում, խոսում ենք ցանկացած բանի, այլ ոչ հակամարտության կարգավորման մասին»:
Մադրիդյան սկզբունքների մասին ասաց. «Ինձ համար անհրաժեշտ է հստակ պարզաբանում ստանալ՝ ինչ կարող են նշանակել Մադրիդյան սկզբունքները գործնականում: Վիեննայում այդ հարցի պատասխանը չեմ ստացել»:
Կարդացեք նաև
Նիկոլ Փաշինյանը նշեց՝ հակամարտությունը լուծողը երեք ժողովուրդներն են. «Սպառնալիքով ժողովուրդների հետ չեն խոսում: Մեզ հետ պետք չէ խոսել սպառնալիքի լեզվով: Պատերազմի սպառնալիքին մենք պատասխանելու ենք խաղաղություն պարտադրելու լեզվով»:
Այս հայտարարությունից հետո ծափահարություններ հնչեցին: Վարչապետը նշեց՝ սպասում է, որ Ադրբեջանի նախագահը այս սկզբունքներով կառաջնորդվի: Հետո հավաստիացրեց՝ Ստեփանակերտի օրակարգը Վիեննայի հանդիպման արդյունքներով մտել է օրակարգ, սա այլևս կայացած իրողություն է և սա արձանագրվել է ԵԱՀԿ Մինսկի խմբի համանախագահների և ԱԳ նախագահների հայտարությամբ:
Տաթև ՀԱՐՈՒԹՅՈՒՆՅԱՆ
