Ինչպես ավելի վաղ հայտնել էինք, ՀՀ Հատուկ քննչական ծառայությունը քրեական գործ չի հարուցել Պաշտպանության նախկին փոխնախարար Վահան Շիրխանյանի նամակի դրվագներից մեկի հիման վրա: Խոսքն ընտրությունների մասին է. Շիրխանյանը Ռոբերտ Քոչարյանին մեղադրում է 1998թ.-ի նախագահական ընտրությունները կեղծելու համար:
Այս առնչությամբ Վահան Շիրխանյանն Aravot.am-ի հետ զրույցում հետեւյալ գնահատականը հնչեցրեց. «Իմ նամակի էությունը կայանում էր նրանում, որ դրանով ես տվել եմ Ռոբերտ Քոչարյանի կառավարման տարիների եւ նրա վարքագծի դրսեւորումը, վնասները…նամակը գրելով՝ ես նպատակ չէի դրել, որ պատկան մարմինները քրեական գործ հարուցեին, կամ չհարուցեին: Դա նրա պատկերն է, որը նա ցանկանում է խեղաթյուրել, կեղծել եւ իր գրքում իրեն ներկայացնել որպես հերոսի»:
Լուիզա ՍՈՒՔԻԱՍՅԱՆ
