«Իմ քայլը» խմբակցության պատգամավոր, Ադրբեջանի հարցերով փորձագետ Տաթեւիկ Հայրապետյանը կարծում է, որ Ադրբեջանի առաջին տիկին Մեհրիբան Ալիեւայի՝ «Ղարաբաղի ամեն քաղաքում պետք է ծածանվի ադրբեջանական դրոշը» հայտարարությունը խոսում է երկու երկրների ղեկավարների արժեհամակարգերի միջեւ հսկայական անջրպետի մասին:
«Պատահական չէ, որ այդ հայտարարությունը եղավ Աննա Հակոբյանի՝ «Կանայք հանուն խաղաղության» նախաձեռնության հերթական ներկայացումից հետո: Սովորաբար, կանայք նշանավորում են խաղաղությունը, մինչդեռ Մեհրիբան Ալիեւայի ռազմատենչ հայտարարությունը փաստում է, որ Ադրբեջանում դա աշխատող սկզբունք չէ. չունեն խաղաղության բառապաշար եւ որեւէ կերպ չեն կարողանում արձագանքել խաղաղության մասին կոչերին»,- նշեց Տաթեւիկ Հայրապետյանը:
Ինչ վերաբերում է Դավիթ Տոնոյանի՝ «տարածքներ խաղաղության դիմաց սկզբունքը փոխարինում ենք նոր պատերազմ նոր տարածքների դիմաց սկզբունքով» հայտարարությանը, Տաթեւիկ Հայրապետյանի խոսքով. «Դա նշանակում է, որ հայկական կողմը սպառնալիքի ներքո չի բանակցելու: Ադրբեջանը տարիներ շարունակ սպառնում է ռազմական ագրեսիայով, բանակցում՝ ատրճանակը մեզ վրա պահած, ուստի Դավիթ Տոնոյանի հայտարարությունը միտված է Ադրբեջանին հասկացնելու, որ մեր քայլերն ուղղված են ռազմական ճանապարհով հաջողության հասնելու Ադրբեջանի ցանկությունը զսպելուն: Այդ հայտարարությունն Ադրբեջանում շատ ծանր տարան»:
https://www.facebook.com/aravot.am/videos/291516095077615/
Կարդացեք նաև
Լուիզա ՍՈՒՔԻԱՍՅԱՆ
