«Այսօր ավարտեցինք բողոքների ներկայացման գործընթացը»,- քիչ առաջ ՀՀ երկրորդ նախագահ Ռոբերտ Քոչարյանի կալանքի հարցով բողոքի քննությունից հետո հայտարարեց Ռոբերտ Քոչարյանի պաշտպան Արամ Օրբելյանը:
Նա տեղեկացրեց, որ բողոքի ներկայացումներն են դեռ ավարտվել ու նշեց, որ այսօր դատական նիստը հետաձգվեց և նշանակվեց ապրիլի 9-ին՝ ժամը 14.30-ին:
Հարցին՝ Ռոբերտ Քոչարյանը, որ ներկա էր դատական նիստին, խոսե՞ց, Արամ Օրբելյանը պատասխանեց. «Պարոն Քոչարյանը դեռևս չի խոսել: Հենց նոր ավարտեցինք բողոքի ներկայացումը, ակնկալում եմ, որ պարոն Քոչարյանն ապրիլի 9-ին կխոսի: Որոշակի պահերով այսօր նա ներկայացրեց իր դիրքորոշումը: Ինքն իր հիմնական ելույթը դեռ չի ունեցել: Ինչպես ինքը նշեց, նյութերին ավելի երկար ժամանակ է ունեցել ծանոթանալու»:
Տաթև ՀԱՐՈՒԹՅՈՒՆՅԱՆ
