Վարչապետ Նիկոլ Փաշինյանն այսօր այցելեց նաև Գյումրու ավտոկայան, որտեղ ոտքի վրա քննարկում ունեցավ «Տրանս ակնթարթ» ընկերության սեփականատեր, ԱԺ նախկին պատգամավոր Մարտուն Գրիգորյանի հետ: Այնուհետ ցեխերի միջով շարժվեց դեպի ավտոկայանի տնակային թաղամաս: Այս ընթացքում մարդիկ ուղեկցում էին նրան, ներկայացնում բողոքները: Վարչապետը եղավ երկու տնակներում:
Եվ երբ հեռանում էր այս թաղամասից, մի երիտասարդ մոտեցավ ու վարչապետին կոշիկ նվիրեց: Նիկոլ Փաշինյանը հետաքրքրվեց, թե որտեղ է արտադրամասը ու որ համարի կոշիկ է: Երբ իմացավ, որ 41 համարի, ժպտալով ասաց. «42 եմ ես հագնում, սա չի լինի իմ հագով, վերցրեք հետ»:
Նա շրջայց կատարեց նաև «Շիրակ» օդանավակայան, որտեղ օդանավակայանի ղեկավարության ու ոլորտի պատասխանատուների հետ քննարկեցին նոր մասնաշենքի կառուցման ու օդանավակայանի վերազինման հարցը:
Կարդացեք նաև
Այս թաղամասում ապրող բնակիչները չէին թողնում վարչապետին հեռանալ: Նրանք ևս լուծում էին պահանջում իրենց խնդիրներին: Վերջին պահին որոշ երիտասարդներ կարողացան սելֆի անել Նիկոլ Փաշինյանի հետ: Վարչապետը հեռացավ՝ չպատասխանելով լրագրողների հարցերին:
Նունե ԱՐԵՎՇԱՏՅԱՆ
