«Ֆեյքերից» ամենաշատը տուժած կուսակցությունը «Լուսավոր Հայաստանն» է, քաղաքական գործիչը՝ ԼՀԿ-ի ղեկավարը: Այս մասին այսօր լրագրողների հետ զրույցում հայտարարեց ԼՀԿ ղեկավար Էդմոն Մարուքյանը՝ անդրադառնալով վարչապետի՝ սոցցանցերում կեղծ լրատվությունը վերահսկելու մասին ԱԱԾ-ին ուղղված հանձնարարականին: Էդմոն Մարուքյանը սոցցանցային «ֆեյքերի» դեմ պայքարն անհնար է համարում. «Ես դրա լուծումը չեմ տեսնում»:
Ըստ Էդմոն Մարուքյանի՝ առցանց հարթակում ամենօրյա ռեժիմով «աղբ է լցվում» իր կուսակցության վրա. «Դա շատ «ընտիր» ազդեցություն է ունենում հանրային կարծիքի վրա: Օրինակ, իմ հարցազրույցը կարճ ժամանակ անց 30 «դիսլայք» է ստանում: Սա վերջին ամիսներին մեր դեմ հակաքարոզչության հետեւանք է»:
Մարուքյանը նաեւ շեշտեց. «Հիսուն տարի է՝ ընդդիմությանը մեղադրում են ծախված լինելու մեջ: Երբ ես եւ Փաշինյանը «Ելք» դաշինքում էինք, բոլորիս մեղադրում էին դրանում: Հիմա Փաշինյանն իշխանություն է, նրան չեն մեղադրում, բայց ինձ ասում են՝ «ծախված» է: Այս աբսուրդը սահման չունի: Ինչպե՞ս կարելի է մարդուն մեղադրել մի բանում, որի փաստը չկա: Ասում են՝ ես կապ ունեմ Սաշիկի եւ Միշիկի հետ, բայց որեւէ փաստ որեւէ մեկը չի ներկայացնում: Միաժամանակ՝ այն տարածվում է հանրության շրջանում»:
https://www.facebook.com/aravot.am/videos/304659850211225/
Կարդացեք նաև
Լուիզա ՍՈՒՔԻԱՍՅԱՆ
