Արդարադատության նախարար Արտակ Զեյնալյանը կարծում է, որ վարչապետ Փաշինյանի՝ սոցցանցերում կեղծ լրատվությունը վերահսկելու հանձնարարականի տերը ոչ միայն ԱԱԾ-ն է, այլեւ քաղաքացիները, որոնք չպետք է չարաշահեն խոսքի ազատության իրավունքը: «Խնդիրը «ֆեյքերը» չեն, այլ այն հանգամանքը, որ նրանց արարքներում կարող է լինել նաեւ ազգային անվտանգությանը սպառնացող վտանգ»,-լրագրողների հետ ճեպազրույցում այսօր ասաց Արտակ Զեյնալյանը:
Ինչ վերաբերում է մտահոգություններին, որ վարչապետի նման հանձնարարականը կարող է վնասել խոսքի ազատությանը, որովհետեւ անձն իրավունք ունի առցանց հարթակում անանուն մնալու, Արտակ Զեյնալյանը նշեց. «Անանուն գրառում եւ տեղեկատվություն տարածելը մի բան է, ազգային անվտանգությունը խաթարելը կամ մարդու պատիվն ու արժանապատվությունը ոտնահարելը՝ այլ բան: Վերջին երկուսը մարդու իրավունքների, այդ թվում՝ խոսքի ազատության հիմքն են եւ պակաս արժեք չեն»:
Նախարարը նշեց, որ կեղծ լրատվության դեմ պայքարի բանաձեւ կառավարությունն այս պահին չունի, այն քննարկվելիք խնդիր է:
https://www.facebook.com/aravot.am/videos/421929971905598/
Կարդացեք նաև
Լուիզա ՍՈՒՔԻԱՍՅԱՆ
