Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի շուրջ տարածված աղմուկի, Կոնստանտին Օրբելյանին տնօրենի պաշտոնից զրկելու եւ այդ պաշտոնում իր անունը շրջանառելու մասին «Հայկական ժամանակ»-ը զրուցել է Հասմիկ Պապյանի հետ։
– Օպերային թատրոնի անձնակազմը խիստ վրդովված է, նրանք համոզված են, որ եթե Օրբելյանը չմնա տնօրենի պաշտոնում (չնայած շարունակում է զբաղեցնել գեղարվեստական ղեկավարի պաշտոնը), Օպերային թատրոնը կտապալվի։ Ինչ եք կարծում՝ տնօրեն- գեղարվեստական ղեկավար պաշտոնների համատեղումն այս պարագայում որքանո՞վ է նպաստում թատրոնի զարգացմանը, կամ գուցե խանգարո՞ւմ, քանի որ դրանցից մեկը ստեղծագործական աշխատանք է, մյուսը՝ վարչարարական։
– Տվյալ դեպքում հավանաբար այդ պաշտոնները իրար չեն խանգարում։ Այլ խնդիր է, թե որքանով է նախկին իշխանության օրոք կատարված նշանակումը համապատասխանում երկրի այսօրվա որդեգրած քաղաքականությանը, այն է՝ տուրք տալ օրենքի գերակայությանը։
Վերջին հաշվով, եթե անձը նշանակվել է խախտումներով եւ կառավարությունը ցանկություն ունի վերականգնել օրենքը, այդտեղ ոչ մի դժբախտություն չկա։ Շատ հստակ առաջարկ կա՝ հրաժարվել մեկ պաշտոնից։
Կարդացեք նաև
Եվ վերջապես ցույց տվեք առաջադեմ մի երկիր, որտեղ օպերային թատրոնի ղեկավարը կարող է ինքը որոշել՝ ունենալ ամեն ինչ, կամ ոչինչ… Կարծում եմ՝ բոլորի ցանկությունն է, որ Հայաստանը չդասվի այնպիսի «գավառական պետությունների» շարքին, որտեղ տիրում է ամենաթողությունը։
Աղունիկ ՀՈՎՀԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
