«Քրեական դատավարության օրենսգիրքն ունի սուբյեկտների հստակ շրջանակ այն մասին, թե ով ինչ ցուցում կարող է տալ»,-լրագրողների հետ հանդիպմանն այսօր անդրադառնալով Նիկոլ Փաշինյանի վերջին գրառմանը՝ ասաց ՀՀ Մարդու իրավունքների պաշտպան Արման Թաթոյանը: Լրագրողները հետաքրքրվեցին՝ «վարչապետն ունի՞ լիազորություն ցուցում տալու, որ որեւէ անձի դեմ քրեական հետապնդում սկսվի»: Արման Թաթոյանը պատասխանեց, որ մանրամասն ծանոթ չէ գրառմանը, իսկ լրագրողի կողմից դրա ընթերցումը լսելուց հետո նշեց. «Քրեական դատավարության օրենսգիրքը քրեական գործ հարուցելու ցուցում տալու լիազորություն վերապահում է բացառապես դատախազին, եւ ոչ վարչապետին»:
Արման Թաթոյանի խոսքով՝ գուցե վարչապետն այլ իմաստով է ձեւակերպել իր նախադասությունը, բայց ինքը չի կարող Փաշինյանի փոխարեն ստուգաբանել վերջինիս գրառումը:
https://www.facebook.com/aravot.am/videos/412160179354665/
Լուիզա ՍՈՒՔԻԱՍՅԱՆ
