ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ապրիլի 2-ին՝ ժամը 17:00-ի դրությամբ, Ապարանի, Աշոցքի, Թումանյանի, Սպիտակի, Գավառի, Արթիկի, Սևանի, Մարտունու տարածաշրջանների ավտոճանապարհներին և Թալին-Լանջիկ-Ախուրյան ճանապարհահատվածում ձյուն է տեղում:
Աշոցքի ավտոճանապարհներին թույլ բուք է:
Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ է:
Հանրապետության միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
