1990 թվականից պետական հատուկ կարգավիճակ ունեցող «Ծիծեռնակ», «Աղբյուր» ու «Կանչ» պարբերականները կրթության և գիտության նախարարության հայտարարած մանկապատանեկան մամուլի մրցույթից դուրս են մնացել: Նշված երեք մամուլի ներկայացուցիչները պահանջում են չեղյալ համարել մրցույթն ու տրամադրել իրենց հասանելիք գումարը՝ 40 միլիոն դրամը: Ինչպես նշվում է ԱԺ նախագահին ուղղված նամակում՝ 90 թվականին Գերագույն խորհրդի նախագահության հատուկ որոշմամբ՝ այս երեք պարբերականները առնվել են պետության հովանու ներքո: Մինչ այսօր պարբերականները տպագրվել են առանց դադարի: Այս տարի կառավարությունը՝ ի դեմս կրթության և գիտության նախարարության, հրաժարվել է մեր երկրի բարձրագույն մարմնի որոշումը կատարելուց:
Նշենք, որ մրցույթի սկզբնական փուլը հաղթահարել են «Մարի», «Ոսկե խատուտիկ», «Լուսապսակ» խմբագրությունները: ԿԳՆ-ն չի ժխտել, որ առաջնությունը ավելի ցածր գնային առաջարկ ներկայացրած ամսագրերինն է. դա ՀՀ գնումների մասին օրենքի հստակ պահանջն է:
Բովանդակային չափանիշները մնում են սարերի հետևում:
Արմինե ՍԱՐԳՍՅԱՆ
Կարդացեք նաև
Հոդվածն ամբողջությամբ՝ «Իրատես» թերթի այսօրվա համարում
