«Արծիվ մահապարտների» հատուկ նշանակության զորագնդի՝ ապրիլյան ռազմական գործողությունների մասնակից ազատամարտիկներից Սերգեյ Վարդանյանը (լուսանկարում)՝ հայտնի որպես «Դեդ», «Տեսակետ» մամուլի ակումբում այսօր լրագրողների հետ հանդիպմանն ուշագրավ դեպք պատմեց ապրիլյան պատերազմի օրերից: Նախ նշեց, որ Արցախում եղած ժամանակ զինվորների լարվածությունը մեղմելու համար շատ կատակներ են արել, հումորով հագեցած օրեր են ունեցել միասին: Պատմեց, որ փոքր-ինչ վատառողջ է եղել, բայց պատրաստվել է առաջնագիծ գնալ՝ հերթափոխի:
«Տղաները հասկացան, որ հիվանդ եմ, ասացին՝ «40 աստիճան տաքությունով ո՞ւր ես գնում, չի կարելի»: Այդպես ինձ հիվանդ հանեցին, սկսեցին բղավել, թե՝ «եկեք տղերք, Դեդը հիվանդ էր՝ մեռավ…»: Բոլորը հավաքվել՝ լաց էին լինում: Տղերքն ինձ մահճակալով բարձրացրել էին օդ՝ ուզում էին պտտեցնել, ինչպես հուղարկավորության ժամանակ են անում»,-ծիծաղելով հիշեց Սերգեյ Վարդանյանը:
Վերհիշեց նաեւ, որ մահճակալում պառկած բղավում էր՝ «սպասենք, ի՞նչ թաղել, կիսատ գործ կա, սպասեք վերջացնեմ, նոր կթաղեք»: Ազատամարտիկի պատմելով՝ Նարինե անունով բուժքույրը, որն իր դուստրն է, հավատացել է չար կատակին եւ լաց եղել:
Այլ մանրամասները՝ տեսանյութում:
Կարդացեք նաև
https://www.facebook.com/aravot.am/videos/2152604521487949/
Լուիզա ՍՈՒՔԻԱՍՅԱՆ
