«Արցախի վերադարձը բանակցային սեղանի շուրջ այս պահին գրեթե անհնար եմ համարում, որովհետեւ Ադրբեջանը չի գնա բանակցությունների մի երկրի հետ, որին երեսուն տարի անվանել է «անջատողական», «տեռորիստ»: Մոտ ապագայում դա մեզ չի հաջողվի»,-«Մեդիա կենտրոն»-ում այսօր լրագրողների հետ հանդիպմանը, անդրադառնալով օրերս կայացած Նիկոլ Փաշինյան-Իլհամ Ալիեւ առաջին պաշտոնական հանդիպմանը, ասաց միջազգայնագետ Սուրեն Սարգսյանը:
Ինչ վերաբերում է հանդիպման վերաբերյալ ԵԱՀԿ Մինսկի խմբի հայտարարությանը, Սուրեն Սարգսյանը նշեց՝ խաղաղության նախապատրաստման գործընթացին այնքան էլ չի հավատում, որովհետեւ ամեն ինչի շուրջ կարելի պայմանավորվածության գալ, բացի Արցախի կարգավիճակից. «Մեր եւ Ադրբեջանի մոտեցումներն իրար հակասում են, եւ այստեղ ոչինչ հնարավոր չէ փոխել: Գուցե մեր հասարակությանը փորձ է արվում նախապատրաստել խաղաղությանը, բայց Ադրբեջանում իրավիճակն այլ է»:
Ըստ Սուրեն Սարգսյանի՝ Ալիեւի՝ Բաքու վերադառնալուն պես իրավիճակը փոխվում է. «Նորից սկսվում է հայատյացության քարոզը, իրենց ժողովրդին «հողեր վերադարձնելը» եւ պատերազմի նախապատրաստելը»:
https://www.facebook.com/aravot.am/videos/165313301040233/
Կարդացեք նաև
Լուիզա ՍՈՒՔԻԱՍՅԱՆ
