«Չեմ կարող համաձայնվել այդ մեկնաբանությանը, որ իրավասու մարմնի կողմից նույն անձին կրկին ներկայացնելու սահմանադրական արգելք չկա, ուստի նույն անձին կարող են կրկին առաջադրել՝ որպես նոր թեկնածու: Մասնավորապես, ՀՀ սահմանադրության 166-րդ հոդվածի 9-րդ մասի համաձայն՝ սահմանադրական դատարանի դատավորի ընտրությանը և նշանակմանը վերաբերող մանրամասները սահմանվում են «Սահմանադրական դատարանի մասին» ՀՀ սահմանադրական օրենքով, ուստի արգելքը կարող է սահմանվել նշված օրենքով և չհակասել սահմանադրական նորմերին»,-«Առավոտի» հարցին՝ «ԱԺ-ում նշվեց նաև, որ սահմանադրական արգելք չկա, որ նույն անձը ներկայացվի որպես նոր թեկնածու, ի՞նչ եք կարծում, երբ օրենքից «նոր» եզրույթը չհանվեց, սահմանադրականության տեսանկյունից կարո՞ղ է խնդիր առաջանալ», պատասխանեց իրավաբանական գիտությունների թեկնածու, դոցենտ, ՀՀ պետական կառավարման ակադեմայի, ՀՀ արդարադատության ակադեմիայի դասախոս, ԵԽ երևանյան գրասենյակի ազգային փորձագետ Թամարա Շաքարյանը:
Վահե Գրիգորյանի, Գոռ Հովհաննիսյանի, ՍԴ դատավորի թեկնածուների հետ կապված առավել մանրամասն հարցազրույցը կարդացեք վաղվա տպագիր «Առավոտում»
