Այսօր «Ժառանգություն» կուսակցության 12-րդ համագումարում կուսակցությունն ընդունեց նոր ծրագիր, ավելի ճիշտ՝ նորացված ծրագրի նախագիծը:
Այն ներկայացրեց կուսակցության անդամ Հովսեփ Խուրշուդյանը, որի խոսքերով՝ 2005-ից հետո ծրագիրը շոշափելի փոփոխություն չի կրել, քանի որ կարիք չի եղել, իսկ հեղափոխությունից հետո անհրաժեշտություն կար ծրագրից շատ բաներ հանել, որոշ բաներ էլ ավելացնել:
Խուրշուդյանի ներկայացմամբ՝ ծրագրում ավելի մեծ ուշադրություն է հատկացված սահմանադրական, իրավական, ժողովրդավարական եւ ժողովորդի կողմից ընդունված բարեփոխումներին, սոցիալական հիմնախնդիրներին, տեղական ինքնակառավարման խնդիրներին եւ տարածաշրջանային հիմնախնդիրներին:
«Ծրագրում կարեւորվել են այնպիսի դրույթներ, ինչպիսիք են՝ ներհասարակական համերաշխությունը, սոցիալական պատասխանատվության եւ փոխօգնության արժեքների տարածման եւ արմատավորման անհրաժեշտությունը»,-ասաց Խուրշուդյանը:
Կարդացեք նաև
Կուսակցության նոր ծրագրի դրույթներից են, ինչպես Խուրշուդյանը ներկայացրեց՝ պետական կառավարման համակարգում իշխանության գերկենտրոնացման բացառումը մեկ ինստիտուտի, առավել եւս մեկ պաշտոնյայի ձեռքերում, եւ իշխանության համահավասար բաշխումը գործադիր, օրենսդիր եւ դատական իշխանություններում:
Այս ծրագրով «Ժառանգությունը» գտնում է՝ գլխավոր դատախազի տեղակալներից մեկի նշանակման իրավունքը վերապահել վերջին ընտրություններում առավել շատ ձայն ստացած արտախորհրդանական ընդդիմության 3 ուժերին, ոստիկանությունն ու ազգային անվտանգության ծառայությունը դուրս բերել վարչապետի ուղիղ ենթակայությունից, այս կառույցների կարգավիճակի բարձրացում մինչեւ նախարարությունների ու դրանց ենթակայությունը տալ ԱԺ-ին: Քաղաքական ուժերն ու ԱԺ-ում մեծանամասնություն կազմող ուժը պետք է հնարավորություն ունենան նշանակել այս նշված կառույցների ղեկավարաներին եւ ստանձնել դրանց գործունեութւան պատասխանատվությունը: Քննչական մարմինները վարչապետի վերահսկողությունից հանել ու տալ գլխավոր դատախազին: ՏԻՄ-երի զարգացման համար բարձրացնել դրանց դեր, լիազորություններն ու ավելացնել ֆինանսավորումը:
Ընտրական բարեփոխումներով անցնել խորհրդարանական ընտրությունների համամասնական ընտրակարգին, ՀՀ բոլոր քաղաքացիների գույքի եւ եկամուտների հայտարարագրում:
Մանրամասն՝ տեսանյութում
Նելլի ԲԱԲԱՅԱՆ
