«Հայկական ժամանակ»-ի տեղեկություններով ՀՀ ազգային անվտանգության ծառայությունը արդեն մի քանի օր է՝ ստուգումներ է իրականացնում Երեւանի մետրոպոլիտենում: ՀԺ-ի աղբյուրների փոխանցմամբ ԱԱԾ-ն այնտեղ խոշոր չարաշահումներ է հայտնաբերել: Մեր աղբյուրները, սակայն նշում են, որ Երեւանի մետրոպոլիտենի տնօրեն Փայլակ Յայլոյանը աշխատակիցների հետ զրույցում ասել է, թե ԱԱԾ բարձրաստիճան պաշտոնյաների հետ խնդիրը կարգավորել է, ամեն ինչ նորմալ կլինի:
«Հայկական ժամանակ»-ի հետ զրույցում Յայլոյանը նշեց, որ ԱԱԾ-ն սովորական ուսումնասիրություն է անցկացնում եւ ոչ մի արտառոց բան չկա դրա մեջ:
– Պարոն Յայլոյան, մեր տեղեկություններով ԱԱԾ-ն չարաշահումներ է բացահայտել:
– Չկա նման բան:
Կարդացեք նաև
– Ճի՞շտ է, որ դուք ձեր աշխատակիցների մոտ հայտարարել եք, որ ԱԱԾ ղեկավարության հետ հարցերը կարգավորել եք եւ խնդիր չի կարող լինել:
– Դրանք հերյուրանքներ են: Հերքում եմ:
– Իսկ այդ ուսումնասիրությունների արդյունքում ինչ-որ բաներ չե՞ն բացահայտվել:
– Ուղղակի ստուգում են իրականացնում, տեսնեն՝ ինչպես է ֆինանսական գործունեությունը ընթանում, ուրիշ ոչինչ: Արտառոց բան չկա:
Նիկոլայ ԱՎԵՏԻՍՅԱՆ
Հոդվածն ամբողջությամբ՝ «Հայկական ժամանակ» թերթի այս համարում
