ՀՀ Շիրակի մարզի դատախազությունը պետական շահերի պաշտպանության հայց հարուցելու լիազորության շրջանակներում ուսումնասիրության առարկա է դարձրել 2019 թ. մարտի 28-ին «Aravot.am» կայքէջում հրապարակված՝ «Առճակատում Գյումրու սրտում կառուցված ռեստորանի պատճառով․ Բալասանյանենք հիշեցնում են, թե ովքեր են Գրքիկյանները» վերտառությամբ հոդվածը:
Այդ նպատակով մարզի դատախազ Կարեն Գաբրիելյանի կողմից գրություն է հղվել Գյումու քաղաքապետին՝ տրամադրելու տեղեկատվություն Գյումրու Աբովյան փողոցի 133/2 հասցեում կատարվող շինարարության օրինականության, վերաբերյալ, ինչպես նաև տրամադրելու այդ տարածքի ձեռքբերման օրինականության և հիմնավորվածության վերաբերյալ համապատասխան բոլոր փաստաթղթերը:
Մարզի դատախազությունը դիմել է նաև ՀՀ մշակույթի նախարարության պատմության և մշակույթի հուշարձանների պահպանության գործակալությանը՝ ստուգելու և հայտնելու, նշված հասցեում շինարարությունը քաղաքաշինական գործունեության հատուկ կարգավորման օբյեկտ հանդիսացող «Կումայրի» արգելոց-թանգարանի պահպանման գոտում գտնվելու, պետության պահպանության տակ գտնվող պատմության, մշակույթի հուշարձան, արժեք հանդիսանալու, այդպիսին լինելու դեպքում՝ կատարված շինարարությամբ վնասման կամ ոչնչացման հանգամանքի առկայության մասին:
Կարդացեք նաև
ՀՀ ՇԻՐԱԿԻ ՄԱՐԶԻ ԴԱՏԱԽԱԶՈՒԹՅՈՒՆ
