Այսօր կառավարության նիստից հետո պետական եկամուտների կոմիտեի նախագահ Դավիթ Անանյանը լրագրողների հետ ճեպազրույցում ասաց, որ չի կարող ասել, թե Հայաստանի տնտեսությունում ստվերը քանի տոկոս է, ի տարբերություն վարչապետի, որը միջազգային կառույցներին վկայակոչելով ՝թիվ էր նշել՝ մոտ 50%: «Տարբեր թվեր են հնչեցնում՝ 30, 35, 40, 50: Վարչապետը հնչեցրել է միջազգային կառույցներից մեկի տեսակետը, եւ այնպես չէ, որ դա իրականությանը համապատասխանում է»:
Անանյանն ասաց, որ նոր մեթոդաբանություն են մշակում, որով ստվերը հաշվարկելու են ոլորտային: Այս գործառույթը վաղուց են սկսել. Անանյանն ասաց, որ այլ երկրներում նման մեթոդաբանությունը 10 տարի են մշակել. Հայաստանը կփորձի ավելի սեղմ ժամկետում ավարտին հասցնել: Մինչ ստվերը պարզելու նոր մեթոդաբանությունը գործի կդրվի, ՊԵԿ նախագահը որեւէ թիվ չի հրապարակի, ասաց՝ հանրությանը չմոլորեցնելու համար. «Բայց գիտեմ ինչ գործիքակազմով պետք է պայքարեմ»:
Ամենաստվերային ոլորտն, ըստ Անանյանի, մանրածախ առեւտուրն է, սակայն ոչ խոշոր սուպերմարկետները: Այստեղ,, ՊԵԿ նախագահի խոսքերով՝ անհամեմատ ավելի քիչ է ստվերը:
Կարդացեք նաև
Նելլի ԲԱԲԱՅԱՆ
