«Երբ խնդրին նայում ենք այդ ձեւակերպմամբ, որեւէ բանակցություն չի կարող արդյունք ունենալ: Կարծում եմ՝ այդ տեսանկյունից չէ, որ պետք է խնդրին մոտենալ»,-Aravot.am-ի հետ զրույցում անդրադառնալով «Լուսավոր Հայաստան» խմբակցության ղեկավար Էդմոն Մարուքյանի պնդմանը՝ «քանի որ ՀՀ-ում չկա հող հանձնող, իսկ Ադրբեջանում՝ Արցախը ճանաչող, Փաշինյան-Ալիեւ հանդիպումից ոչինչ սպասել պետք չէ», ասաց «Իմ քայլը» խմբակցության պատգամավոր Շիրակ Թորոսյանը:
Նա կարծում է, որ խնդրի վերլուծությունը պետք է սկսել մի շարք հարցադրումներից՝ պատրա՞ստ ենք մենք փոխզիջման, պատրա՞ստ է Ադրբեջանը, ի՞նչ ասել է փոխզիջում, Ադրբեջանն իսկապե՞ս պատրաստ է գնալ խաղաղության, թե շարունակելու է պատերազմով սպառնալ:
«Եթե Ադրբեջանը գնալու է ռազմական ճանապարհով, ուրեւմն մենք էլ ենք պատրաստ պատերազմի: Իսկ կառուցողական երկխոսությունը չի կարող առանց Արցախի մասնակցության լինել»,-համոզմունք հայտնեց Շիրակ Թորոսյանը:
Հիշեցնենք, որ այսօր Վիեննայում սպասվում է Նիկոլ Փաշինյան-Իլհամ Ալիեւ առաջին պաշտոնական հանդիպումը:
Կարդացեք նաև
Մանրամասն՝ տեսանյութում
Լուիզա ՍՈՒՔԻԱՍՅԱՆ
