Պատասխանելով Aravot.am-ի հարցին՝ ինչպես է վերաբերվում բուհերի կառավարման խորհուրդներում՝ պաշտոնյաների ընդգրկվածության եւ դրանց կուսակցականացված լինելուն, մի բան, որի մեջ ժամանակին մեղադրում էին ՀՀԿ-ին, ՀՀԿ փոխնախագահ, ԿԳ նախկին նախարար Արմեն Աշոտյանը նշեց. «Ես ուրախ եմ, որ այսօրվա իշխանությունները դեգերելով տարբեր ոլորտներում լուծումների փնտրտուքների մեջ՝ էլի գալիս են մեր օրոք մշակված լուծումներին:
Այո, մեզ մեղադրում էին բուհերի կառավարման խորհուրդները կուսակցականացնելու մեջ, սակայն վերցրեք տեսեք նույն վարչապետ Նիկոլ Փաշինյանի կողմից հաստատված, թարմացված բուհական կառավարման խորհուրդների ցանկը, եւ տեսեք, թե կառավարության քվոտայով քաղաքական ինչպիսի ներկապնակ է ներկայացնում այն ներկայացուցիչների ցանկը, որ կա՝ «Իմ քայլը» դաշինք, «Քաղաքացիական պայմանագիր» կամ իրենց հարող տարբեր փոխնախարարներ եւ այլն:
Եթե մեզ փորձում են համոզել, որ այդ քաղաքականացված մարդիկ այնտեղ են, քանի որ պրոֆեսիոնալ են, ապա ներեցեք անհամեստությանս համար, չեմ կարծում, թե կրթության ոլորտում երկրի լավագույն տասը մասնագետների մեջ ձեր համեստ ծառան չէր մտնում, որպեսզի շարունակեր մնալ Բժշկական համալսարանի խորհրդում՝ որպես կրթության նախկին նախարար: Չեմ կարծում, թե խորհուրդներում ընդգրկված այսօրվա մարդիկ ավելելի կոմպետենտ են, քան Վաչե Գաբրիելյանը, որը տնտեսագիտական համալսարանի կառավարման խորհրդի նախագահն էր եւ այլ բազմաթիվ օրինակներ էլ կան»:
Նա հավելեց. «Մի խոսքով, մեզ մեղադրում էին մի բանում, որ իրենք հիմա ավելի «լավ» են անում»:
Կարդացեք նաև
Գոհար ՀԱԿՈԲՅԱՆ
