«Ինչպե՞ս պետք է նշել այդ օրը: Երբ կլինեն սահմանումներ, մենք խմբակցությունով դիրքորոշում կհայտնենք»,-ԱԺ-ում լրագրողների հետ զրույցում այսօր անդրադառնալով կառավարության նախաձեռնությանը, համաձայն որի՝ ապրիլի վերջին շաբաթ օրը կնշվի որպես Քաղաքացու օր, ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
Նրա խոսքով՝ երկրում տեղի ունեցած վերջին փոփոխություններում ամեն քաղաքացի իր ներդրումն ունի, ուստի քաղաքացիներին «մեկ ու մեջ» անելը ճիշտ չէ. «Մենք հատուկ կռիվ չենք տալու, որ այդպիսի օր չլինի, ոչ էլ կռիվ ենք տալու, որ այն լինի: Մենք կռիվ ենք տալիս, որ մարդկանց կյանքը լավանա»:
Լուիզա ՍՈՒՔԻԱՍՅԱՆ
