Ադրբեջանը Բելառուսից գնել է հրետանային կրակի կառավարման 7A0917 «Լեկտոր» համալիրներ: Այս մասին հայտնում է ադրբեջանական Azeri Defence պարբերականը:
Սպառազինության ընդունված նոր համալիրը շահագործվել է ադրբեջանական ընթացիկ տարվա մարտին բանակի զորավարժությունների ժամանակ, հայտնում է պարբերականը:
Համալիրն ունի կառավարման երեք մակարդակ: Համալիրի կազմի մեջ մտնում են պլանշետային համակարգիչ, գրպանային համակարգիչ, ռադիոկայաններ, հետախուզության պարագաներ, ավտոմատ մետեոկայաններ:
Համալիրի օգնությամբ հնարավոր է հավաքել և պահել տվյալներ, լուծել հաշվարկային և տեղեկատվական առաջադրանքներ: Համալիրի բոլոր բաղադրիչները, բացի մետեոկայաններից, մշակվել են Բելառուսում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
