Հայաստանի նախկին վարչապետ Խոսրով Հարությունյանն այսօր չբացառեց, որ Հայաստանի պատմության վերջին 20 տարվա մեջ եղել են եւ պաշտոնյաներ, որոնք պետական պաշտոնը ծառայեցրել են սեփական նպատակներին ու հավելեց, որ սրանց կողքին եղել են օրինապաշտ, երկրի հողն ու ջուրը սիրող մարդիկ, որոնց շնորհիվ երկրում քարը քարի վրա է դրվել. սկսած աղետի գոտու վերականգնումից մինչեւ Սեւանի մակարդակի բարձրացում:
Խոսրով Հարությունյանը նաեւ օրինակներ բերեց. Արգավանդի, Դավիթաշենի կամուրջների շինարարություն եւ այլն: «Հետեւաբար, երբ ասում են նախկիններ, գոնե օգտագործեն նախկին որոշ պաշտոնյաներ: Թե չէ ստացվում է, ով նախկինում պաշտոնյա է եղել՝ ժողովրդի թշնամին է: Այդպես չի կարելի», – նկատեց Խոսրով Հարությունյանը:
Նելլի ԳՐԻԳՈՐՅԱՆ
