«Կեղծ լրատվությունը համաշխարհային խնդիր է, որին ես էլ եմ անդրադարձել: Մամուլի ազատությանը չի կարելի կպնել, չի կարելի մամուլի դեմ հետապնդումներ իրականացնել»,-լրագրողների հետ հանդիպմանն այսօր անդրադառնալով «Իմ քայլի» պատգամավոր Լուսինե Բադալյանի («Լուլու») վերջին քննադատված ֆեյսբուքյան գրառմանը ԶԼՄ-ների գործունեության մասին, ասաց վարչապետ Նիկոլ Փաշինյանը:
Նա նշեց. «Հիմա աշխատում ենք տարբեր կազմակերպությունների հետ, որպեսզի ԶԼՄ-ների աջակցության հիմնադրամ ձեւավորվի՝ կառավարությունից անկախ: Բյուջեից չենք անում, որպեսզի չասեն, թե վերահսկում ենք ԶԼՄ-ներին: Այն կունենա անկախ հոգաբարձուների խորհուրդ»:
«Սա ոչ թե արշավ է ԶԼՄ-ների դեմ, այլ գործընկերության դաշտ, նորմալ աշխատենք իրար հետ»,-նշեց Նիկոլ Փաշինյանը:
Հարցին՝ «Երբ պատգամավոր Լուսինե Բադալյանը լրատվամիջոցների միջեւ բաժանում է անում եւ հորդորում որոշ ԶԼՄ-ների հարցազրույց չտալ, դա գործընկերության հրավե՞ր է», Փաշինյանն այսպես պատասխանեց. «Հեղափոխությունից հետո ԶԼՄ-ների դաշտում մեծ առուծախի գործընթաց է եղել: Խնդիրը գործընկերության դաշտ ձեւավորելու միջոցով պետք է լուծել»:
https://www.facebook.com/aravot.am/videos/2295864670671840/
Լուիզա ՍՈՒՔԻԱՍՅԱՆ
