«Պատրաստ ենք փոխանակել մոլորված մարդկանց, բայց ոչ դիվերսանտներին». Փաշինյան

«Մենք պատրաստ ենք մոլորված մարդկանց փոխանակել մյուս կողմի մոլորված մարդկանց հետ, բայց ոչ նրանց, ովքեր դիվերսանտ (նկատի ունի Քարվաճառի հայտնի երկու դիվերսանտներին) են եւ մարդկանց են սպանել»,-լրագրողների հետ հանդիպմանն այսօր հայտարարեց վարչապետ Նիկոլ Փաշինյանը:

Հիշեցնենք, որ վերջերս Ադրբեջանում ՀՀ քաղաքացի Կարեն Ղազարյանը, որը հոգեկան առողջության խնդիրներ ունի եւ հատել էր սահմանը, դատապարտվեց քսան տարվա ազատազրկման:

Փաշինյանը շեշտեց՝ մինչեւ Քարվաճառի միջադեպն ընդունված է եղել, որ կողմերը մոլորված քաղաքացիներին վերադարձրել են մեկ շաբաթում. «Հիմա մենք ունենք նրանց մոտ այդպիսի՝ մոլորված անձի»:

Հիշեցնենք՝ ավելի վաղ ՀՀ Արդարադատության նախարարը հայտարարել էր՝ ամեն ինչ արվում է՝ Կարեն Ղազարյանին հայրենիք վերադարձնելու ուղղությամբ:

https://www.facebook.com/aravot.am/videos/2295864670671840/

Լուիզա ՍՈՒՔԻԱՍՅԱՆ