Փետրվարին հիպոթեքային վարկավորման ծավալները նախորդ տարվա փետրվարի համեմատ աճել են հարյուր տոկոսով: Այս մասին քիչ առաջ լրագրողների հետ հանդիպմանը տեղեկացրեց վարչապետ Նիկոլ Փաշինյանը: «Կառավարության ծրագրերի շրջանակում հիպոթեքային վարկավորման աճը կազմել է 140 տոկոս: Հիպոթեքային վարկավորման պորտֆելի ծավալն աճել է երեսուն տոկոսով: Մասնագետների որակմամբ՝ սա ահռելի աճ է: Սա նշանակում է, որ առաջիկայում ունենալու ենք շինարարության պահանջարկ, որը հանգեցնելու է նոր աշխատատեղերի՝ նաեւ շինանյութերի եւ սպասարկման ոլորտում: Սա շատ կարեւոր ցուցանիշ է, որը բերելու է գործազրկության կրճատման»,-համոզմունք հայտնեց վարչապետը:
Նիկոլ Փաշինյանը տեղեկացրեց նաեւ, որ այս պահին ՀՀ-ում Կառավարության հետ քննարկվող 89 ներդրումային ծրագիր է քննարկվում՝ 2 7 միլիարդ դոլարի ծավալով:
https://www.facebook.com/aravot.am/videos/2295864670671840/
Լուիզա ՍՈՒՔԻԱՍՅԱՆ
