«Առավոտը» 1990-1999թթ. ՀՀ ԳԽ եւ ԱԺ պատգամավոր, 1992-1997թթ. ՀՀ Մաքսային վարչության պետ Երջանիկ Աբգարյանից հարցրեց՝ առաջիկա հնարավոր հանդիպման ժամանակ, Ձեր կարծիքով՝ ի՞նչ պետք է խոսեն Փաշինյանն ու Ալիեւը, ի՞նչ ակնկալել այդ հանդիպումից: «Չեմ կարծում, որ Փաշինյանը տուրք կտա ՀՀ նախկին ղեկավարության նկատելի զգուշավորությանը եւ վախվորածությանը: Այս նախապատրաստական փուլում ես անակնկալներ չեմ սպասում: Ես, մեղմ ասած, տարօրինակ կհամարեմ, եթե սպասվող հանդիպմանը կարծիքների փոխանակություններ տեղի ունենան ԵԱՀԿ Մինսկի խմբի համանախագահողների կողմից ներկայացրած հայտարարության վերաբերյալ: Թերեւս բացառություն կարող է կազմել բանակցությունների ձեւաչափի փոփոխման հարցը»:
Մեր հարցին՝ 2016-ի ապրիլյան պատերազմից հետո Սերժ Սարգսյանի հանձնարարությամբ նախապատրաստվեց ՀՀ-ի եւ Արցախի միջեւ ռազմատեխնիկական համագործակցության հուշագիրը: Այն, սակայն, չստորագրվեց: Սերժ Սարգսյանը պատեհ պահի էր սպասում: Հիմա ժամանակը չէ՞ դրա ստորագրման:
«Սերժ Սարգսյանի օրոք կազմված հուշագրի նախագիծը, կարծում եմ, որ արդեն ժամանակավրեպ է: Նոր իշխանությունը նոր զարգացումների ընթացքում կորոշի այդ կարգի փաստաթուղթ ստորագրելու նպատակահարմարությունը»,- պատասխանեց Երջանիկ Աբգարյանը:
Կարդացեք նաև:
«Առավոտ» օրաթերթ,
15.03.2019
