Գրավատների ու փոխանակման կետերի ներկայացուցիչներին, որոնք այսօր առավոտից կառավարության շենքի առաջ բողոքի ցույց են անում՝ պահանջելով հետ կանգնել պետական տուրքի բարձրացման նախագծից, ընդունեց վարչապետի օգնական Նաիրի Սարգսյանը:
«Ներկայացրեցինք մեր բոլոր առարկությունները, խոստացավ քննարկումներ ունենալ համապատասխան ոլորտի ներկայացուցիչների հետ: Նա հարկ եղած դեպքում հարցը կզեկուցի նաեւ վարչապետին, եւ պայմանավորվեցինք, որ մինչու երկուշաբթի օրը մեզ տեղյակ կպահի կայացրած որոշումների մասին»,-արդեն հանդիպումից հետո լրագրողների հետ զրույցում ասաց գրավատներից մեկի տնօրեն Մհեր Գեւորգյանը եւ Արժութային դիլերների միության նախագահ Արամայիս Խաչատրյանը:
Employees of pawnshops and exchange offices operating in Yerevan hold a protest action in front of the RA Government’s building
Մհեր Գեւորգյանի խոսքով, այսօր տնտեսական հեղափոխության գաղափարներից մեկն այն է, որ պայքարելու են խոշորացման դեմ, իսկ պետտուրքը բարձրացնելով, դաշտը խոշորացվում է եւ գնում է մենաշնորհի:
Employees of pawnshops and exchange offices operating in Yerevan hold a protest action in front of the RA Government’s building
Aravot.am-ի այն դիտարկմանը, թե մասնագետները կարծիք են հայտնում, որ այս նախագծի, այսպես ասած, լոբինգն անում է Կենտրոնական բանկը, որպեսզի առեւտրային բանկերը շահեն, Արամայիս Խաչատրյանն ի պատասխան ասաց.«Միգուցե Կենտրոնական բանկն էլ է մասնակցել այս ամեն ինչին, բայց մենք բողոքում ենք կառավարության դեմ, որովհետեւ ներկայացնողը ֆինանսների նախարարությունն է, որոշումն ընդունում է կառավարությունը»:
Մանրամասները՝ տեսանյութում
Ճիշտ է գործարարներն իրենց առաջարկներն ունեն կառավարությանը, սակայն չեն բարձրաձայնում՝մինչեւ որ չլսեն կառավարության պատասխանատուների հիմնավորումները: Բայց, նրանց խոսքով, իրենց համար ընդունելի տարբերակը պետական տուրքի ներկայիս տարբերակով աշխատելն է. «Մեզ համար խելամիտը այսօր գործող պետական տուրքն է: Մեր պահանջն է, որ ֆինանսական շուկայում ցանկացած թանկացում հավասար լինի շուկայի բոլոր մասնակիցների համար՝ սկսած ամենափոքրից մինչեւ ամենամեծը: Բայց մենք կողմնակից չենք, որ նման թանկացում լինի, որովհետեւ դա կբերի կոլապսի»:
Հարցին՝ գուցե պետությունը գիտի, որ այս ոլորտում այնքան էլ թափանցիկ չեն աշխատում եւ հարկեր են թաքցնում, Մհեր Գեւորգյանն ի պատասխան ասաց,որ Կենտրոնական բանկի վերահսկողությունը շատ ուժեղ է եւ հնարավոր չէ հարկ թաքցելով աշխատել:
Employees of pawnshops and exchange offices operating in Yerevan hold a protest action in front of the RA Government’s building
Հիշեցնենք, որ փոփոխություններով նախատեսվում է գրավատների պետական տուրքը ներկայիս 100 հազար դրամի փոխարեն տարեկան դարձնել ս6 մլն դրամ, իսկ փոխանակման կետերի համար ներկայիս 50 հազար դրամի փոխարեն կսահմանվի 3 միլիոն դրամ:
Լուսինե ԲՈՒԴԱՂՅԱՆ
