Նախկինում «Սասնա ծռերի» համաներման դեմ չառարկած ոստիկանը փոխեց որոշումը

ՊՊԾ գնդի գրավման գործով այսօրվա հերթական դատական նիստում որպես տուժող հարցաքննվեց նաեւ ոստիկան Դավիթ Մխիթարյանը։ Նա դատարանին հայտնեց, որ 2016թ.-ին ծառայություն է իրականացրել գնդի հարակից տարածքներից մեկում, երբ կրակոցից ոտքին բեկորային վնասվածք է ստացել։ Մխիթարյանի ենթադրությամբ` կրակոցը եղել է գնդի կողմից։

Մեղադրյալներից Պավլիկ Մանուկյանը հարցրեց, թե արդյոք ոստիկանն իրեն համարում է տուժող։ «Այո, իհարկե»,-պատասխանեց Դավիթ Մխիթարյանը։

Մեղադրյալներից Գագիկ Եղիազարյանն էլ հետաքրքրվեց. «Գունդը չորս կողմից շրջապատված է եղել դիպուկահարներով։ Ինչ իմացանք, որ գնդի տարածքից են կրակել, այլ ոչ թե դիպուկահարներից»: Ոստիկանը պատասխանեց, որ ենթադրում է, ապա ուղղեց խոսքերը` ասելով, որ համոզված է։

Ապա դատավոր Մեսրոպ Մակյանն ընթերցեց Դավիթ Մխիթարյանի` ավելի վաղ դատարանին հասցեագրված գրությունը, համաձայն որի` ինքը չի առարկում «Սասնա ծռերի» դեմ համաներում կիրառելուն։ Դատավորը ճշտեց, թե արդյոք Մխիթարյանը հաստատում է գրությունը։ Նա բացասական պատասխան տվեց. «Առարկում եմ»:

Հիշեցնենք, որ այս գործով դեռ կան տուժողներ, որոնք պետք է կարծիք հայտնեն համաներման մասին։

https://www.facebook.com/aravot.am/videos/294625001208465/?__xts__[0]=68.ARAgwqR7DqzUKFo8ODWRbuQ7nAyHdo0dZzcTzrLxFTbMQp7k5-DPrB_cQslnGkwJLimqm6GPFIT_neT95HNODzwEezmlTJrYfUZjza7KMryoMCMs1YszBfelYQn8AS0ICC_SFV0KMbbRyvTVHV-F5rKRwkc0OCguuPq0sVlai5LTtG5x9hb5V5d5oglxCjXC_cTpEOaxjXkuCJDK6Ps9ZR3jsHwwiF_B1LLHChduSJ4mH17phoRbSBv5_D98ExYSbU3jGluAG_wp-_4uPUYSAdkcoyV1vGLIFeuIfFgZOr5Se2SDzPbnevYRNERT4u3Ph-QxJ8CSPu60gcSQzSXJsZKP5NTkcT2L87s&__tn__=-R

Լուիզա ՍՈՒՔԻԱՍՅԱՆ