«Ժողովուրդ» օրաթերթը զրուցել է «Իմ քայլը» խմբակցության պատգամավոր Գոռ Գեւորգյանի հետ։
– Վարչապետը խոսում էր տնտեսական թռիչքաձեւ աճի մասին։ Կառավարության ծրագիրը ներկայացնելիս խոսեց նաեւ կախարդական փայտիկի կիրառման մասին։ Հիմա տեսնո՞ւմ եք կախարդական փայտիկի կիրառման փորձեր։
– Եկեք պաթոսներից մի կողմ կանգնենք, ավելի ռեալ, շոշափելի հարթակի վրա քայլենք։
– Որքա՞ն ժամանակ հետո մենք հստակ փոփոխություններ կտեսնենք։
– Որեւէ մի բանի մասով ժամանակահատված նշելը անշնորհակալ եւ անհեռատես մոտեցում է, դրա համար ես հիմա չեմ շտապի։ Ես հիմա կարող եմ փաստել, որ տարվում է աշխատանք։ Այդ աշխատանքը շատ բարդ է։ Կարելի է ստեղծել ինչ-որ բան ինչ-որ բանից, բայց շատ դժվար է ստեղծել լավ բան ոչ մի բանից։ Պատկերացրե՛ք ամբողջությամբ ավերված եւ ջլատված մի պետություն, որի հիմքի վրա փորձ է արվում կառուցել որակական հատկանիշներով պետություն։ ՀՀ-ում չկա մի ոլորտ, որտեղ չկան այն ավերիչ գլոբալ խնդիրները, որոնք պետությունը հասցրել են ծանր վիճակի։ Այն, ինչ արվում է, ամբողջությամբ պարուրված է ազնվության, անաչառության եւ միանշանակ անբասիր գործունեությամբ։ Չկա մի մարդ, որն ունի պետական կառավարման բարձրագույն լծակ օգտագործելու հնարավորություն, եւ ներգրավված լինի որեւէ տեսակի կոռուպցիոն համակարգի մեջ, որովհետեւ կոռուպցիոն համակարգը առհասարակ փլուզվել է։
Զրուցեց Լուսինե ՄԻՆԱՍՅԱՆԸ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
