Կառավարությունը բարձունք է հանձնում
Փորձում են կոմերցիոն նպատակներով օտարել Դիլիջանում տեղակայված Մոնթե Մելքոնյանի անվան ռազմամարզական վարժարանի գույքը: Ինձ հասած տեղեկություններով պետ.գույքի կառավարման վարչությունն ակտիվ գործընթաց է սկսել այդ ուղղությամբ: Համարել են, որ դա բանակին, հատկապես` կուրսանտներին շատ կլինի: Չէի հավատում, քանի որ աղբյուրը պետ.գույքի վարչության տեխնիկական աշխատակից էր, բայց այսօր տեղեկությունն անձամբ ինձ հաստատեց ՊՆ բարձրաստիճան մի պաշտոնյա:
Այն, ինչ մեկ տարում դարձավ տարածաշրջանի լավագույն ռազմական դպրոցը, այն ինչով կարող էինք դեպի սպայական ծառայություն գրավել մեր ամենապայծառ և կարող երիտասարդներին` փոշիացվելու է…
Եթե երեկ պետք չէր ռազմահայրենասիրական դաստիարակություն, ապա այսօր, փաստացի, պետք չէ նաև ռազմական կրթություն…
Կոչ եմ անում մեր ողջ հասարակությանը, յուրաքանչյուր հայրենասեր մարդու կանգնել պաշտպանության նախարարության կողքին և թույլ չտալ զրկել մեր ապագա սպաներին լավագույն կրթական հնարավորություններից:
Մոնթե` ճանապարհ դեպի բարձունք…
Վիգեն ՍԱՐԳՍՅԱՆ
ՊԱՇՏՊԱՆՈՒԹՅԱՆ ՆԱԽԱՐԱՐ
https://www.facebook.com/Vigen.A.Sargsyan/posts/269810683934311?__xts__[0]=68.ARDPf6jVqVeUeK1tceW0QWlwQyFNFFMoY6JhlvDEfguP10lbUWK22pMJOoxGRGyNR2_-itU6j6r0aqZB_v-HgZG4UygDi-jRM8EMfb7Gk8yVo3Kfv-bKtd2Ny–H1C7clYrA0L0x1vWDjCEE9rrwBOfxb8g9ffBuwwWm29N_E4SNpfAGz0bN3XvzecNFOfrtslhQXEpbyW5nWN88rM4SBELgZOLlfE7_plPUQPN9vZbw5h5Kyte9oRUOC5HBKD6qwWFZVxB1cknWelGqus3JbmZ9Vl7wl5easaBpn5m1nageYCnqr_GoDjBdRhY6bsPsXePb3MCeznebm0sWPAp458s&__tn__=-R
