Այսօր կառավարության շենքի դիմաց Նաիրիտ գործարանի նախկին աշխատակիցները բողոքի ցույց էին անում եւ պահանջում հանդիպում վարչապետ Նիկոլ Փաշինյանի հետ:
Գործարանի նախկին տնօրեն Կարեն Իսրայելյանն Aravot.am-ի հետ զրույցում պատմեց, որ գործարանի վերագործարկման համար ներդրողներ են հայտնվել, սակայն կառավարության ներկայացուցիչները, կարծես, չեն ցանկանում ընթացք տալ:
Իսրայելյանն ասաց, որ 3 անգամ էկոնոմիկայի նախարարի հետ հանդիպել են, շատ գոհ էին.«Ինքն ասաց, որ ծավալուն ծրագիր է, միայն իր նախարարությունը չի կարող բանակցություններ վարել: Ասաց՝ կխոսի վարչապետի հետ եւ կստեղծեն համապատասխան հանձնաժողով, որպեսզի վերջինս վարի բանակցությունները ներդրողների հետ: Հետո նախարար Խաչատրյանը պահանջեց ներդրողների անվանացանկն այդ հոլդինգի: Հաջորդ հանդիպմանը Խաչատրյանը պահանջեց, որպեսզի տվյալ ներդրող ընկերությունները բանկային երաշխիք բերեն 127 մլն դոլարի: Բայց բանկային երաշխիքն ուզում են այն ժամանակ, երբ բանակցություններն ավարտվում են: Ես ասացի՝ սկզբում բանակցեք, կարող է այնպիսի պայմաններ են լինում, պայմանագիր չի կնքվում»:
Մանրամասները՝ տեսանյութում
Իսրայելյանը նշեց, որ ներդրողն ընկերությունն էլ արձագանքել է՝ մինչեւ կառավարությունները մանրամասներ չասի՝ ինչ պայմաններով են գործարանը տալու, բանկային երաշխիք չի ներկայացնի:
Մանրամասները՝ տեսանյութում
Նելլի ԲԱԲԱՅԱՆ
