Ինչպես տեղեկացնում է ԱՄՆ-ի արդարադատության նախարարությունը, ամերիկահայ 48-ամյա Ստելա Բոյաջյանն իրեն մեղավոր է ճանաչել մարդկանց ԱՄՆ անօրինաբար տեղափոխելու, վիզաները կեղծելու և մարդկանց ինքնությունը գողանալու մեղադրանքներում:
Ըստ արդարադատության նախարարության մամլո հաղորդագրության, մուտքի արտոնագրի խարդախության այս սխեմայի վերաբերյալ գործը վարում է Նյու Յորքի Արևելյան շրջանի դատավոր Սանքեթ Բուլսարին: Բոյաջյանը գումարի դիմաց օգնել է Հայաստանի քաղաքացիներին անօրինական մուտքի արտոնագրեր ստանալ Միացյալ Նահանգներ այցելելու համար:
Դրա մասին հայտարարությամբ հանդես են եկել ԱՄՆ-ի Նյու Յորքի դատախազության և ԱՄՆ-ի պետքարտուղարության ներկայացուցիչները:
Համաձայն մեղադրական եզրակացությանը, Բոյաջյանը ղեկավարում էր միջազգային հանցավոր ցանց, որը ներգրավված էր Հայաստանի քաղաքացիներին Միացյալ Նահանգներ մուտք գործելու վիզաներ տրամադրելու անօրինական գործունեության մեջ: Խումբը ԱՄՆ-ի համապատասխան կառույցներին էր տրամադրում կեղծ տեղեկություն՝ հավաստիացնելով, որ վիզայի համար դիմող Հայաստանի քաղաքացիները հանդիսանում են պարի և կատարողական արվեստի խմբերի անդամներ եւ այդպիսով իրավասու են ստանալ P-3 տեսակի վիզա, որը նախատեսված է մշակութային գործունեությամբ զբաղվող մարդկանց համար:
Հոդվածն ամբողջությամբ՝ սկզբնաղբյուր կայքում:
