ԿԸՀ նախագահ Տիգրան Մուկուչյանի եւ պատգամավորների հարցուպատասխանի ավարտին այսօր ՀՀ ԱԺ նախագահ Արարատ Միրզոյանը, դիմելով երեք քաղաքական ուժերին՝ «Իմ քայլին», «Լուսավոր Հայաստանին» եւ ԲՀԿ-ին՝ ընտրական գործընթացի վերաբերյալ հայտարարություն արեց:
«Կոչ եմ անում միասնական ջանքերով ընտրական բարեփոխումների փուլ սկսել: Սահմանափակումներ եւ խոչընդոտներ չկան: Եթե միասին պայմանավորվենք, արմատական փոփոխություններ կարող ենք մշակել»,-վստահեցրեց Արարատ Միրզոյանը:
ԿԸՀ նախագահ Տիգրան Մուկուչյանն էլ իր հերթին համոզմունք հայտնեց, որ ընտրական գործընթացում քաղաքական ուժերի գործակցությունը կշարունակվի:
Հիշեցնենք, որ 2018թ.-ին ԱԺ-ն չընդունեց «Ընտրական օրենսգրքում փոփոխություններ եւ լրացումներ կատարելու մասին» օրինագիծը:
Լուիզա ՍՈՒՔԻԱՍՅԱՆ
