2007թ. մարտի 19-ին ՀՀ քաղաք Մեղրիում ՀՀ կառավարության և ԻԻՀ կառավարության միջև (այսուհետ՝ կողմեր) ստորագրվել է «Արաքս սահմանային գետի վրա հիդրոէլեկտրակայաններ կառուցելու և շահագործելու բնագավառում համագործակցության մասին» համաձայնագիր:
Կողմերը հայտարարում են «Մեղրի» ՀԷԿ-ի կառուցման ծրագիրն իրականացնող կազմակերպության` ներդրող ընկերության ընտրության մեկնարկի մասին։
Նախատեսվում է, որ ներդրող ընկերությունն ինքնուրույն լուծելու է «Մեղրի» ՀԷԿ-ի կառուցման, շահագործման և տնօրինման հետ կապված ֆինանսական միջոցների հայթայթման և կազմակերպչական բոլոր հարցերը: Շինարարությունը պետք է իրականացվի 5 տարվա ընթացքում, որից հետո 15-20 տարի երաշխիքային ժամկետում «Մեղրի» ՀԷԿ-ի արտադրած էլեկտրաէներգիան պետք է վաճառքի նպատակով տեղափոխվի Իրան` ներդրող ընկերության կողմից կառուցվող մոտ 20կմ երկարությամբ և 220կՎ լարմամբ երկշղթա բարձրավոլտ օդային էլեկտրահաղորդման գծով (Ագարակ ենթակայանում նախատեսելով 3 անջատիչով սխեմա):
Հետաքրքրված ներդրողները «Մեղրի» ՀԷԿ-ի կողմից արտադրվող էլեկտրական էներգիայի գնման գնի վերաբերյալ նախնական առաջարկները, համապատասխան ֆինանսական մոդելի ուրվագծմամբ, կարող են մինչև սույն թվականի ապրիլի 5-ը ներկայացնել ՀՀ էներգետիկ ենթակառուցվածքների և բնական պաշարների նախարարության էլեկտրոնային հասցեին՝ [email protected]: Սույն թվականի ապրիլին նախատեսվում է ԻԻՀ Թեհրան քաղաքում կազմակերպել հանդիպում-քննարկում: Հետաքրքրված ներդրողների մասնակցությունը Թեհրանում կազմակերպվող հանդիպմանը ցանկալի է։ Հանդիպման ընթացքում նախատեսվում է նախապատվություն տալ պոտենցիալ այն ներդրողին, որի կողմից առաջարկվող ֆինանսական մոդելը կընտրվի որպես լավագույնը։ Այնուհետև պոտենցիալ ներդրողին կառաջարկվեն հետագա համագործակցության պայմանները։
«Մեղրի» ՀԷԿ-ի հիմնական բնութագրերը բերված են ստորև․
– Հաշվարկային հզորություն՝ 100 ՄՎտ,
– Էլեկտրական էներգիայի տարեկան հաշվարկային արտադրանք՝ 750-800 մլն.կՎտժ,
– Հաշվարկային ճնշում՝ 90 մ,
– Ճնշումային թունելի տրամագիծ՝ 7,5 մ,
– Ճնշումային թունելի երկարություն՝ 18,2 կմ,
– Կապիտալ ներդրումների ծավալ՝ շուրջ 300 մլն. ԱՄՆ դոլար։
Պատվարը.
Պատվարի տիպը՝ ջրթափային-բետոնային,
բարձրությունը` 9 մ,
կատարի երկարությունը` 200 մ,
Էլեկտրակայանի տիպը` վերգետնյա,
Տուրբինի տիպը՝ ուղղահայաց Francis,
Ճնշումային խողովակաշարի տրամագիծը՝ մինչև 4,3 մ:
Ըստ նախնական գնահատականների՝ բերվում են նաև հիմնական շինարարական աշխատանքների մոտավոր ծավալները.
Ջրթափային պատվար և լրացուցիչ սարքեր
գրունտային (հողային) աշխատանքներ 820,000 մ3
գրունտային (ժայռային) աշխատանքներ 160,000 մ3
բետոն 130,000 մ3
ցեմենտ 47,000 տ
կաղապարամած (опалубка) 82,000 մ²
ամրան (арматура) 5,330 տ
Ճնշումային թունել (ստորև աղյուսակում տվյալները բերված են 8,5 մ թունելի տրամագծով):
Ծավալները պետք է նվազեցվեն թունելի տրամագծին համապատասխան (թունելի տրամագիծը` 7,5 մ):
ՀԷԿ–ի շենք.
գրունտային (հողային) աշխատանքներ 20,000 մ3
գրունտային (ժայռային) աշխատանքներ 186,000 մ3
բետոն 17,000 մ3
ցեմենտ 7,000 տ
կաղապարամած 9,200 մ²
ամրան 5,330 տ
ՀՀ էներգետիկ ենթակառուցվածքների և բնական պաշարների նախարարություն
