«Ես այդ հնարավորությունը բացառում եմ, որ առանց Հայաստանի հանրապետության համաձայնության ՀԱՊԿ գլխավոր քարտուղար կնշանակվի»,- այսօր Եռաբլուրում լրագրողներին ասաց պաշտպանության նախարար Դավիթ Տոնոյանն՝ անդրադառնալով օրերս գլխավոր քարտուղարի Բելառուս թեկնածու Ստանիսլավ Զասի հայտարարությանը, թե՝ ՀԱՊԿ կանոնակարգը թույլ է տալիս սահմանափակ կազմով որոշում կայացնել:
Ըստ Տոնոյանի՝ «Ես բացառում եմ։ ՀԱՊԿ գլխավոր քարտուղարի նշանակումը, ինչ-որ որոշում չի մարտավարական կամ օպերատիվ-մարտավարական օղակում։ Սա ռազմավարական դաշինքի գլխավոր քարտուղարին ընտրելու խնդիր է՝ ինչպես կարելի է առանց դաշինքի մեկ անդամի ընտրել, նշանակել քարտուղար։ Կանոնակարգն այդպիսի բան թույլ չի տալիս: Կանոնակարգն այլ բան է թույլ տալիս, բայց ոչ գլխավոր քարտուղարի ընտրության հարցում»:
Նախարարը վստահեցրեց՝ Հայաստանի արտագործնախարարությունը համապատասխան աշխատանքներ է տանում ՀԱՊԿ-ում, ՀԱՊԿ-ի քարտուղարությունը եւս համապատասխան աշխատանքներ է տանում՝ խնդրի լուծման ուղղությամբ։
Նելլի ԲԱԲԱՅԱՆ
